قالوا صداقه قلت وين الصداقه
دام الوفاء والتضحيه ما لها ساس
وقلوب ناس ٍ صابها الف عاقه
حتى العقول الصاحيه صابها عماس
يا ويل قلبي من علـــوم الحما قه
وياشيب عيني شيب من بعض الاجناس
اللي تخادعنا بحبك اللباقة
وقلوبها بالحقد تجتاح الأنفاس
ارحب هلا والضحك يخفي نفاقه
يشككك راعي الردى ب أطيب الناس
يلبس ثياب ٍ ساترة له محاقه
ما كنه الا كاسب الطيب نوماس
بعض البشر للطيب يعلن سباقه
وبعض البشر داني وبالحقد دساس
ترى الحسد والطيب ماهم رفاقه
وما يتفق راعي العزيمه مع الياس
حتى الصراحه في زمنا طفاقه
واللي يرائي صاير ٍ طير قرناس
يسرقك في هرج المخادع سراقة
ويستعطفك والنجس ماعنده إحساس
قالوا صداقه قلت مابه صداقه
دام الضماير نايمه ليل الادماس
